Cerkak Bahasa Jawa & Unsur Intrinsik Cerkak
PETENG
Gegadhangan,
gegayuhan, kekudangan, gegancangan, kekarepan iku kabeh hamung wujud panyuwune
jalma manungsa. Rikala ati ing sajroning ragane manungsa nembe nggrantes, perih
utawa nelangsa, lumrah yen luh kang tumetes saka netra kiwa apa dene tengen,
kasuntak byah bebasan megung ing bumi. Kosok baline kalamangsane pinaringan
rejeki utawa kabungahan kang mbanyu mili, wus jamake girang gumuyune para
manungsa sinandhing ana ing kahanan alam donya iki.
